Um MariCell®
MariCell er húðmeðhöndlunarefni
MariCell húðmeðhöndlunarefnin eru CE merktar lækningavörur en ekki snyrtivörur. Vörur Kerecis eru þróaðar og framleiddar á Íslandi undir ströngu eftirliti TUV SUD og Lyfjastofnunar Þýskalands. Kerecis þróar, framleiðir og selur sáraroð sem notað er til meðhöndlunar á alvarlegum sárum. Þegar þróun stóð yfir á sáraroðinu var eftir því tekið hversu mikið heilbrigði húðarinnar umhverfis sárið batnaði. Rannsóknir leiddu í ljós að ástæða þess voru fitusýrurnar í roðinu og í kjölfar þess þróaði Kerecis mOmega3 tæknina sem er grunnurinn að MariCell vörulínunni. Íslenski húðsjúkdómalæknirinn Dr. Baldur Tumi Baldursson hefur svo þróað MariCell vörulínunna sem samanstendur af húðmeðhöndlunarefnum fyrir fjölmarga húðkvilla.
MariCell húðmeðhöndlunarefnin innihalda hvorki stera né parabena og með ávísun læknis greiða Sjúkratryggingar Íslands hluta kostnaðar.
Hvernig virkar MariCell?
Vörurnar í MariCell vörulínunni innihalda mOmega3 fitusýrur og mismunandi magn af ávaxtasýrum og karbamíði. Hyrnislag húðarinnar er ysta lag húðarinnar og er samsett af dauðum húðfrumum. MariCell styrkir millifrumuefni hyrnislagsins. MariCell stuðlar einnig að lágu sýrustigi sem er æskilegt fyrir húðheilsu.
Hægt er að líkja ysta lagi húðarinnar við múrsteina með steypu á milli. Múrsteinarnir eru frumur sem límdir eru saman með blöndu af fitu og próteinum. Þetta lím, sem kalla má millifrumuefni, er ríkt af fjölómettuðum fitusýrum og öðrum efnum. Fitusýrurnar halda hyrnislaginu mjúku og vatnsheldu. Undir ákveðnum kringumstæðum virkar millifrumuefnið illa þannig að frumurnar hrönglast upp á yfirborði húðarinnar. MariCell húðmeðhöndlunarefnin koma í veg fyrir það
Innihaldsefnin í MariCell
MariCell húðmeðhöndlunarefnin innihalda þrjú efni í mismiklum magni, þessi efni vinna saman að því að auka heilbrigði millifrumuefnisins í hyrnislagi húðarinnar:
- Ávaxtasýrur mýkja efsta lag húðarinnar, flýta fyrir húðflögnun og auka gegndræpi húðarinnar þannig að mOmega3 fitusýrurnar og karbamíð eiga auðveldara með að smjúga inn (MariCell Xma inniheldur ekki ávaxtasýru)
- mOmega3® er unnið úr sjávarfangi og inniheldur meðal annars EPA og DHA fitusýrur sem húðin getur nýtt sér til að viðhalda heilbrigði millifrumuefnis í hyrnislagi húðarinnar
- Karbamíð sem gefur raka og eykur getu húðarinnar til að binda vatn. (MariCell Xma inniheldur ekki karbamíð)
Sjálfbær nýting náttúruafurða
Íslensk framleiðsla
Byggir á traustum vísindalegum grunni
Framleiðsla MariCell á Ísafirði
Saga MariCell
Síðan 2001
Íslenska fyrirtækið Kerecis er framleiðandi og söluaðili MariCell húðmeðhöndlunarefnanna. Meginstefið í starfsemi Kerecis er hagnýting á náttúrulegum efnum sem styðja við endursköpun (e. regenerate) húðar og líkamsvefja. Tækni Kerecis byggir á traustum vísindalegum grunni og sjálfbærri notkun náttúrulegra hráefna m.a. roði og fitusýrum úr plöntum og fiski. Vörur fyrirtækisins eru einkaleyfaverndaðar og styðja náttúruleg lækningaferli líkamans og varnir.
Fjölmargar vörur fyrirtækisins eru þegar á markaði og eru notaðar af tugum þúsunda sjúklinga árlega. Tæknin ver og endurmyndar líkamsvef og er notuð t.d. í meðhöndlun á sykursýkis- og bráðasárum, ásamt því að koma í veg fyrir smit.
Hlutverk Kerecis er að styðja náttúruleg lækningaferli líkamans og varnir þannig að við lifum lengur og betur. Framtíðarsýn Kerecis er að beisla á sjálfbæran máta hæfileika náttúrunnar til þess að verja og endurmynda líkamsvef og vera í farabroddi á því sviði á heimsvísu.
Einkunnarorð Kerecis eru forvitni, heilindi og samkennd.
